تغطية رحلتي إلى الدوحة 2011

بسم الله الرحمن الرحيم

السلام عليكم ورحمة الله وبركاته

كل عام وانتم بخير بعد الزحمه

والله يتقبل منا ومنكم صالح الاعمال يآرب :)

كثيراً ماكنت افكر في نهاية العام الدراسي الماضي 
بأن اجعل العطله الصيفيه التي رأيناها قبل مده تلفظ انفاسها الاخيره 

.. بأن اجعلها عطله مميزه لي بسبب أنها آخر صيفيه لي قبل التخرج ..

لكن لا اعلم ماذا حل بي عندما قررت أخذ ترم صيفي مع شباب الكليه و أكنسل كل شي خخخخ

ونتيجة لذلك ماكان لي الا ان انتظر الانتهاء من الصيفي ورمضان ..

لأقرر السفر لمده بسيطه ولمكان ليس بعيد كـ قطر 

على مدى هذا التقرير البسيط سآخذكم معي للدوحه فهيا بنا

الحجز للفندق كان عن طريق موقع booking

تم الحجز في فندق سويس بيل هوتيل-الدوحه 

تقييم الفندق: 

   

موقع الفندق:

من هنا

موقع الفندق فرع الدوحه : هنا

تم الحجز لمدة 4 ليالي :)

وبعد العيد بيومين تم الانطلاق براً من الرياض إلى الدوحه 
عن طريق الرياض - الدمام :)

اثناء الطريق ..

وفي الطريق الحقيقه حصل مشكله ..

الا وهي اننا ماندري مع وين الطريق الصحيح ههههه !!

الي كنا نعرفه انه يوجد طريقين ..

اللوحه اعلاه المفروض تؤدي إلى الطريق الاول

لكن ماكان فيه اي علامه إلى انه ممكن تكون قطر من هنا ..

فلم نغامر واكملنا طريقـنا إلى ان اتت لوحة الطريق الثاني  :

ومن هذا الطريق اتجهنا للهفوف ..

ومن الهفوف إلى طريق سلوى المؤدي لمنفذ سلوى > منفذ قطر

وتم الوصول بالسلامه للدوحه ولله الحمد بعد شد وجذب وتضييع

 وتـم الوصول للفندق  ..

وهذي مواقف الفندق ..

وطبعاً ابشركم ولا مره وقفنا فيها .. لأنها تقريباً 24 ساعه :

المهم ماعلينا ..

خلونا نخش الفندق

اللوبي :

من الاعلى :

بأتجاه الغرفه ..

غرفتنا  :

من الداخل :

الي هناك كمبيوتري على فكره .. لحد يلمسه :

وهنا يشكروننا عبر التلفزيون اول ماشغلناه اننا اخترنا فندقهم خخخ :

صوره صباحيه مع اشعة الشمس 

ملاحظه: ماعليكم من الزلايب الي نايمين في الصوره

قمت لحالي .. واحلى قهوه على الصباح   :

كان هذا صباح هو يومنا الاول في الدوحه ..

وكنا مقررين نذهب فيه لمتحف الفن الاسلامي + سوق واقف

مالكم بالطويله .. ومشينا المتحف الاسلامي

 لحظة خروجنا للمتحف حصلت عارضين هالمناسبه على الشاشه الي في لوبي الفندق :

وانا من هذا المنبر لا املك الا ان ابارك للآنسه فاطمه الهاملي التخرج

وعقبال الدكتوراه يآرب... ايه وتراي شرهآن جداً عليك

.. 

اجل مسويه حفل التخرج بنفس الفندق الي ساكن فيه ولا قلتي اعزمه

هذي آخرتها يافاطمه يعني .. هذي آخرتها ؟؟

>> مو كأني خشيت جو ؟ ههههههه 

لحظة وصولنا لمتحف الفن الاسلامي ...

المواقف :

إلى المتحف ..

المدخل ..

مكان قص التذاكر ..

مدري وش فايدته طالما ان التذكره مجانيه ..

تتوقعون لأحصاء الزوار ؟

طبعاً المتحف الاسلامي يتكون من 3 ادوار ..

الدور الاول فيه محل هدايا تذكاريه وقاعة محاضرات

والدور الثاني والثالث صالات المتحف

لننطلق ..

في المتحف لاحظت كثرة العوائل الهنديه الزائره للمكان

من الاعلى :

الآن إلى داخل صالات المتحف..

طبعاً ظلام ولافيه شي اصوره لكم الا التحف طبعاً :

هذا كتاب المجموعه الرشيديه .. 

ولا اقولكم .. اقرأو عنه بنفسكم :

مقلمه تعود للحضاره الاسلاميه في اسبانيا .. تحديداً في تاريخ 354 هـ

قنينة ماء

رأس نافوره يعود للحضارة الاسلاميه في اسبانيا في منتصف القرن العاشر الميلادي

مبخره على ما اذكر

شهادة حج على شكل مخطوطه يبلغ طولها 8 امتار ويعود تاريخها للدوله التيموريه في عام 837 هـ

مجموعة دنانير مع العصر العباسي والاموي والفاطمي وغيرهم ..

عقد يعود للهند بين عامي 1607 -1619 م

يحتوي على الذهب واللؤلؤ والالماس وحجر الاسبينيل

درع كامل للخيل والفارس :

وغيرها الكثير من التحف الي لم يسع الوقت لتصويرها للأسف

لحظة خروجنا مررنا على محل الهدايا التذكاريه :

وهـنـا صوره بانوراميه لمحل الهدايا التذكاريه

وبكذا خلصنا من المتحف الاسلامي ..

بعد حلول الظلام اتجهنا لسوق واقف ..

طبعاً يعتبر سوق واقف من أهم المعالم السياحية في الدوحه..

وهو سوق ثراثي يجمع مابين القديم والحديث

وللأسف الاجواء ماكانت تساعد ابداً على التصوير

زحمه ورطوبه قاتله

لذلك يوم راجعت الصور وجدت اني ما التقطت سوى صوره واحده ..

اعتذر منكم ..

وهكذا انتهى اليوم الاول ..

في اليوم الثاني الخطه كانت أكاديمية اسباير + فيلاجيو مول

وفيه طريقنا لأسباير حصلنا ملعب سحيم بن حمد "معقل نادي قطر القطري"ونزلنا نلقي نظره

وكان وقتها في مباراه وديه ولا احنا عارفين من الي يلعبون

والملعب كان فاضي تماماً .. واحد من الشباب كان مصر يعرف مين يلعب

فاماكان منه الا ان سأل حكم الرايه خخخخ

وطلع حبيب والله وجاوبنا  .. كانت مباراه وديه بين نادي قطر × نادي الترجي السعودي

معقوله كذا يانادي قطر ؟ .. تجيب نادي الترجي من السعوديه تستقوي عليه

عمركم سمعتو فيه نادي الترجي السعودي اصلاً ؟

وفي ختام جولتنا بملعب سحيم بن حمد .. احلى صوره بانوراميه لكم للملعب :

من هنا  

ثم توجهنا لأكاديمية اسباير 

كان المفروض نتوجه لها بالنهار على شان تكون اوضح بالتصوير 

لكن ماحصل للأسف الشديد

وعلى العموم هذي بعض الصور الليليه مني :

الحقيقه انه مكان جميل ويحتوي على العديد من المسطحات الخضراء والملاعب ..

بالإضافه للبرج

لكن ما اعتقد انه معد لقدوم السياح

دخلنا جوا قالو ممنوع .. 

مشينا على عشب احد المسطحات قالو ممنوع !!

حاولنا ندخل البرج : قالو ممنوع طبعاً !

تعبت من المشي وقتها وجلست شوي بأرتاح ..

جاني الحارس الهندي قالي ممنوع الجلوس على العشب هذا لأنه مخصص للعوايل

قلت له ارجوك لاتكمل .. عندي حساسيه من هالكلمه ارجوك 

ههههه

وبجانب اسباير تماماً كان متواجد هذا الفندق :

هذا الله يسلمكم فندق Grand Heritage Doha

كنا ناوين عليه ايام ماكنا بنحجز لكن ماحصل

تحسفنا يوم شفناه من برى كيف

وبعدها اتجهنا إلى فيلاجيو مول

من داخل المول ..

اكيد تتوقعون من خلال الصوره الماضيه اننا كنا العصر صح ؟

غلط .. كنا بالليل ..بس هذا سقف المجمع شكله كذا

شيء رااائع جداً طريقة تصميمه

من الاشياء الجميله كذلك داخل المول وجود ممر مائي :

حيث بأمكانك استئجار قارب وأخذ جوله على المول عن طريقه

بالون سبونج بوب عالق بسقف المول >> اثبات انه سقف اصناعي خخخخخ

المطاعم ..

صالات السينما ..

وأحلى صوره بانوراميه لكم لفيلاجيو مول هنا

وهكذا انتهت رحلتنا في فيلاجيو مول :)

ولو اني مو من هواة الاسواق لكن بصراحه كا اجمل شي زرته 

في اليوم الاخير اتجهنا لجزيرة اللؤلؤه ..

هذي صوره لها من الاعلى من النت .. 

طبعاً هي عباره عن مجموعه من المقاهي والمطاعم على امتداد البحر ..

توجهنا لها ليلاً .. وكانت فاضيه

اعتذر لقلة الصور :( ..

وفي يوم المغادره التقطنا بعض الصور التذكاريه هنا :

ومع السلامه يالدوحه

ومسكنا الطريق المؤدي إلى منفذ ابو سمره >> منفذ السعوديه

الجمارك القطريه ..

ورقة انهاء اجراءات الخروج ..

وفقط .. انتهينا  .. اخيراً خلصت التقرير

  اتمنى تكونو استمتعتم معي بهذا التقرير

الذي يحتوي على 77 صوره تقريباً 

>> تعبكم راحه طبعاً

 

على الخير والمحبه نلتقي بمشيئة الله

إلى اللقاء